Michael Carrick yanditse amateka mashya muri Manchester United
Mu gihe abafana ba Manchester United bari bamaze igihe batanyuzwe n’umusaruro w’ikipe yabo, ubu hari impinduka igaragara yazanye icyizere gishya.
Umutoza Michael Carrick yamaze kwandika amateka mashya muri Premier League, aho abaye umutoza wa mbere mu mateka y’iyi kipe utsinze imikino itandatu ya mbere yakiriye iwayo.
Ibi ni amateka akomeye cyane, by’umwihariko urebye uburemere bw’iyi kipe n’amarangamutima abafana bayo bagira kuri buri mukino ukinirwa ku kibuga cyayo cya Old Trafford.
Mu myaka yashize, Old Trafford ntiyari ikiri igihome gikomeye nk’uko byahoze, aho amakipe menshi yayitinyaga. Gutsindwa kenshi mu rugo byatumaga itakaza icyubahiro cyayo.
Ariko kuva Michael Carrick yafata inshingano zo gutoza, ibintu byarahindutse. Imikino itandatu ya mbere yakiniwe iwayo yose yayitsinze, bitanga ubutumwa bukomeye ku yandi makipe ko Manchester United yongeye gukomera i wayo.
Nta wundi mutoza wigeze atangira akazi muri Manchester United atsinda imikino itandatu ya mbere yakiriye iwayo muri Premier League. Ibi bituma Michael Carrick yinjira mu gitabo cy’amateka y’iyi kipe.
Ibi bikorwa bye byatumye abafana bongera kwizera ko ikipe yabo ishobora kongera kuba imwe mu zikomeye, haba mu Bwongereza no ku rwego mpuzamahanga.
