Bwabaye ubugira kane FC Barcelona itsikamiye insinzi ya Real Madrid
Ikipe ya FC Barcelona yanditse amateka Madhya mu mupira w’amaguru nyuma yo gutsinda Real Madrid mu buryo bw’igitangaza, itsinda ibitego 4–3 mu mukino wa shampiyona wagaragayemo ibitego 7, biba inshuro ya 4 itsinze Real Madrid yikurikiranya
Ikipe ya Barcelone yari yatsinzwe ibitego 2–0 mu gice cya mbere ariko yaje kugaruka mu mukino ku buryo butangaje, igaragaza ubuhanga nk’ikipe ishaka igikombe.
Madrid ni yo yafunguye amazamu ibifashijwemo n’amakosa ndetse n’uburangare bwaba defense ya Barça. Kylian Mbappé yatsinze penaliti ku ikosa rya Cubarsí kumunota wa 5, anatsinda igitego cya kabiri ku mupira wahinduwe neza na Vinícius Júnior kumunota wa 14. Umukino wari ugeze ku 0–2, abafana ba Madrid bongera kwizera ko igikombe cyashoboka.
Ariko ibintu byose byahindutse mu gihe gito. Barça yahise ijya ku gitutu ifunga inzira zose z’ikipe ya Madrid, bituma Eric García yatsinda igitego cya mbere cya Barça ku mupira wari uvuye muri corner ya Ferran Torres, bitangira gusubiza icyizere ku ruhande rw’abari mu rugo.
Guhindura umukino kwaje guturuka kuri Lamine Yamal, watsinze igitego cya kabiri cyiza acenga ava ku ruhande ajya imbere kumunota wa 32, Icyo gitego cyahise gishegesha Madrid, bidatinze kumunota wa 34 Raphinha yatsinze igitego cya gatatu, Raphinha yaje kongera igitego cya kane nyuma yo guhabwa umupira mwina na Pedri umupira awutereka mw’izamu.
Ancelotti yakoze impinduka mu gice cya kabiri yinjiza Luka Modrić na Brahim Díaz, bagerageza kugarura isura ya Madrid. Mbappé yaje gutsinda igitego cya gatatu kumupira yaherejwe neza na Vinicius jr ku munota wa 70 ariko ntibyahagije.
Nubwo Madrid yagerageje gutera igitutu mu minota ya nyuma, Szczesny, umunyezamu wa Barça yitwaye neza ndetse VAR yanga igitego cya Fermín López kubera handball yabaye mbere. Barça yatsinze ariko igaragaza ko ifite defense ihuzagurika cyane dore ko iri no mubyo yazize kugira ngo itsindirwe kuru semi final ya EUFA Champions league
Iyi ntsinzi isize Barça ku mwanya wa mbere, kandi irabura intsinzi imwe gusa cyangwa gutsindwa kwa Madrid ngo yegukane LaLiga ku mugaragaro. Ni ishema rikomeye ku ikipe y’umutoza nka Hansi Flick, yagaragaje kwitwara neza no gutsinda el classico inshuro 4 zikurikiranya.
Ku rundi ruhande Carlo Ancelotti arangije igihe cye nk’umutoza wa Real Madrid atabashije kugira icyo yegukana mu mwaka w’amateka. Yatsinzwe El Clásico enye zikurikirana, asiga ikipe imeze nabi ndetse ifite nimvune nyinshi cyane idafite icyerekezo gisobanutse.
Fc barcelone yatsinze yerekanye gutambaza umupira neza ndetse no kumenyerana kwabakinnyi bayo numutoza Hansi Flick.
