AmakuruPolitiki

Igitero cya Iran cyagize ingaruka zikomeye ku basirikare 34 ba Amerika

Ubunyamabanga bwa Leta zuzne ubumwe za Amerika bushinzwe kwirinda abanzi Pentagone, bwatangaje ko abasirikare 34 b’icyo gihugu bagize ibibazo byo mu bwonko (TBI) bivuye kuri cya gitero cya Iran ku birindiro byazo muri Iraq.

Umuvugizi w’ubwo bunyamabanga avuga ko kugeza ubu, abagera kuri 17 aribo bagikomeje gukorerwa ibikorwa by’ubuvuzi.

Perezida Donald Trump wa Amerika yari yatangaje ko nta musirikare wa Amerika n’umwe wigeze agira ingorane muri icyo gitero cya Iran cyo ku wa 08 Mutarama 2020 mu kwihora iyicwa ry’umusirikare mukuru wa Irani.

Perezida Trump akaba yavuze ibyo ashaka gusobanura ingingo yafashe yo kudasubiza icyo gitero.

Hagati aho mu cyumweru gishize, Pentagon yari yatangaje ko abasirikare 11 barimo kuvurwa kubera ibibazo byo mu mutwe bagize bivuye kuri icyo gitero.

Abajijwe uko kuvuguruzanya mu gihe yari mu nama y’ubukungu ku Isi mu Busuwisi, Trump yagize ati: “Numvise ko hari abari bamenetse umutwe, n’ibintu ntacyo bivuze, kandi nkomeza kubyemeza ko atari ibintu bikomeye”.

“Si mfata ko ari ububabare bukomeye nk’ubwo nabonye”.

Pentagone ivuga ko nta musirikare n’umwe wapfuye muri icyo gitero cya Iran cy’igisasu cya misire ku birindiro bya Ain al-Asad, kuko hafi ya bose bari mu buvumo ubwo cyaterwaga.

Ejo ku wa gatanu, umuvugizi w’ubunyamabanga bushinjwe kwirinda abanzi, Jonathan Hoffman, yabwiye itangazamakuru ko abasirikare umunani mu bagize ibibazo batahukanywe muri Amerika kugira ngo batangire kuvurwa, mu gihe abandi icyenda nabo batwawe mu Budage.

16 bavuriwe muri Iraq,undi umwe nawe muri Koweit mbere y’uko abo bose 17 basubira ku bikorwa byabo  nk’uko ubuyobozi bubivuga.

Hoffman avuga ko umunyamabanga ushinzwe kwirinda abanzi, Mark Esper atahise abona amakuru y’uko haba hari abasirikare bari bagize ibibazo mu minsi yakurikiye icyo gitero.

Donald Trump yari yatangaje ko iki gitero nta munyamerika cyagizeho ingaruka

Ishirahamwe ry’abasirikare bahoze barwana mu ntambara za Iraq na Afghanistani, riranenga ubutegetsi bwa Trump kuba butarahise butangaza ko hari abasirikare bagize ibibazo.

Paul Rieckhoff, watangije iryo shyirahamwe agira ati: “icyo ni ikintu gikomeye. Leta ya Amerika itegerejweho guha Abanyamerika amakuru ku byerekeye ubuzima bw’abana babo. Nta kindi kintu gisumba icyo”.

Igisirikare cya Amerikakiratangaza ko izo ngorane zikunda kugera mu burere bw’intambara.

Ejo ku wa gatanu, Abanya Iraq ibihumbi n’ibihumbi bakwirakwiye mu mihanda ku murwa mukuru Baghdad bamagana abasirikare bo mu mahanga bagera ku bihumbi 5000.

Inama nshingamateka ya Iraq iherutse gusaba ingabo zituruka mu mahanga zose – harimo n’abanyamerika kuva muri icyo gihugu.

 

Twitter
WhatsApp
FbMessenger