Espagne: FC Barcelona irakifuza gukinisha Lionel Messi
Barcelona iri mu biganiro na rutahizamu Lionel Messi kugira ngo irebe ko yasubira muri iyo kipe yakoreyemo amateka, nk’uko byatangajwe na Visi Perezida w’ iyi kipe Rafael Yuste.
Lionel Messi w’imyaka 35 ubu niwe mukinyi wa mbere winjirije Barcelona ibitego byinshi kuva yashingwa kuko yinjije ibitego 672 mu mikino 778 nubwo yavuye i Nou Camp (ikibuga cya Barcelona) mu 2021 kubera ibibazo by’amafaranga.
Akaba afutanye masezerano y’imyaka ibiri n’ ikipe yo mu Bufaransa ya Paris St-Germain azarangira muri iyi mpeshyi tugiye kugeramo, ariko hari amakuru avuga ko yaba yifuza gukomeza gukinira iyi kipe yo mu Bufaransa.
Yuste ati: “Leo n’umuryango we bazi neza uburyo mbakunda.
Mu myaka ibiri ishize, Messi yavuye muri Espagne amaze kwemera amasezerano mashya na Barcelona yo kumugabanyiriza umushahara ariko icyo gihe ntibyashobotse ko akomeza gukorera amateka mu ikipe yatwariyemo ibikombe bine by’irushanwa rihuza amakipe yabaye aya mbere iwabo (Ligue des Champions/Champions Leagues), irushanwa rya Espagne, La Liga, inshuro cumi n’Imipira ya Zahabu (Ballons d’Or) itandatu.
Yuste ati: “Nari muri ibyo biganiro bitashoboye kugira icyo bigeraho ariko kubona Messi atagumanye natwe mu Ikipe byabaye nko kugendana ihwa mu kirenge rigenda rikujomba kuko azi agaciro tumuha.
Usibye Igikombe k’isi aherutse gutwarana n’Argentine muri Quatar 2022, Messi amaze gutsindira PSG ibitego 29 mu mikino 66 amaze gukinira iyi kipe. Ndetse aherutse gutsinda igitego k’ 100 mu mikino mpuzamahanga hamwe n’icya 800 muri rusange.
