CHAN 2018: Mbere yo gukina na Uganda, Amavubi afite umukino wa gicuti

Ikipe y’igihugu ‘Amavubi’ iri mu myiteguro yo guhura n’iya Uganda[Uganda Cranes] mu mukino wo gushaka itike wo kuzitabira irushanwa rya CHAN 2018 , mu rwego rwo kunoza iyi myiteguro yateguriwe umukino wa gicuti n’iya Sudani y’amajyaruguru.

Ni umukino uzaba tariki 7 kanama 2017 mu mujyi wa Kigali kuri Stade ya Kigali i Nyamirambo, kugeza ubu amakuru ahari ni uko iyi kipe ya Sudani y’Amajyaruguru izagera mu Rwanda muri weekend igakomeza kwitegura uyu mukino no kumenyera ikirere.

Sudani ya ruguru izaba ikina n’Amavubi yasezereye iy’Uburundi mu cyiciro cyabanje aho mu gihugu cy’Uburundi ikipe zombi zanganije ubusa ku busa, naho muri Sudani ikipe y’Uburundi ikaza gutsindwa igitego  kimwe ku busa bigatuma ihita isezererwa.

Nyuma yo gusezerera Uburundi, Sudani ya Ruguru iri kwitegura gukina n’iya Ethiopia ndetse izava mu Rwanda ihita yerekeza muriki gihugu.

U Rwanda ruzaba rukina n’iyi kipe rwasezereye iy’a Tanzaniya, nyuma yo kunganyiriza muriki gihugu igitego kimwe ku kindi , iyi kipe yaza mu Rwanda ikipe zombi zikagwa miswi zinganya ubusa ku bundi bigatuma u Rwanda rukomeza.

Ntago u Rwanda rwaherukaga guhura n’iyi kipe ya Sudan , kuko muri 2011 nibwo ikipe zombi zaherukaga guhura mu gikombe cya CECAFA.

Dore urutonde rw’abakinnyi 22 b’ikipe y’igihugu Amavubi bahamagawe bazavamo abazakina umukino wa Uganda 

Share on Facebook

Tweet