Bamwe mu bakinnyi ba Juventus baribaranduye coronavirus bayikize

Abakinnyi ba Juventus aribo blaise Matuidi na Rugani bari barwaye coronavirus byemejwe ko ubu ari bazima

Ikipe ya Juventus yo mu Butaliyani yemeje ko abakinnyi bayo bombi ari bo Blaise Matuidi na Rugani bafashwe ibipimo kabiri byemeza ko nta virus ya corona ikibarimo.

Rugani yabaye umukinyi wa mbere mu shampiyona y’abataliayani wagaragaye ko yanduye covid-19.

Mu itangazo ryashyizwe ahagaragara rivugak ko Daniele Rugani na mugenzi we bakinana mu ikipe imwe ya Juventus bafashwe ibipimo bigamije kureba niba bagifite ubwandu bwa covid-19.

Ibisubizo byavuye muri ibi bipimo byombi byagaragaje ko nta virus ikibari mu maraso. Aba bakinyi bombi bidasubirwaho bamazegukira ndetse bagom,ba gukurwa mu kato barimo bagasubira mu ngo zabo.

Nyuma y’uko Rugani yabaye umukinyi wari ugaragaye ko yanduye covid-19 mu Butaliyani, bagenzi be bose bakinana mu ikipe ya Juventus bahise bapimwa biganjemo abahuye na we cyane ngo harebwe niba bo yaba atarabanduje.

Ku ikubitiro Paulo Dibala yasanzwe yaranduye ariko bidatinze yitabwaho n’abaganga yaje gukira iki cyorezo mu gihe kizigenza Christiano Ronaldo na we yahise yishyira mu kato nyuma y’uko na we yari yarahuye na Rugani.

Kimwe n’ahandi hose mu gihugu cy’ubutaliyani kiri mu byugarijwe cyane n’iki cyorezo, ibikorwa bya ruhago byarahagaze bakaba bategereje ko covid-19 yagenza make bigakomeza.

Abakinyi ba Juventus na bo kimwe nk’abandi bose bakaba bari mu ngo zabo.

Mu rwego rwo gukumira ikwirakwira rya covid-19, hashyizweho ingamba z’ibihe bidasanzwe henshi mu bihugu ku isi zirimo izo kuguma mu ngo kuko iki cyorezo kitagira umuti ndetse nta n’urukingo.