Areruya Joseph akoze amateka atazibagirana atwara La Tropicale Amisa Bongo

Umunyarwanda Areruya Joseph ni we watwaye isiganwa mpuzamahanga ryo gusiganwa ku magare ryaberaga mu gihugu cya Gabon nyuma yuko yari yambaye umwenda w’umuhondo mu gace ka kane akaza kuwugumana mpaka isiganwa rirangiye.

Mu gace  ka karindwi kasozaga iri siganwa ryakinwaga ku nshuro yaryo ya 13, bavaga i Bikele bagana mu murwa mukuru wa Gabon uri i Libreville ku ntera ya kilometero 139.5 (139.5 KM). Areruya uherutse kwegukana Tour du Rwanda ya 2017,  ntiyabashije gutwara aka gace  ahubwo katwawe na Luca Pacioni ukinira Wilier Sella Itali, uyu rero asa nuwaruhiye ubusa kuko atabashije gukuramo ibihe bya Areruya Joseph binatuma uyu musore w’ I Rwamagana yegukana iri rushanwa.

Areruya Joseph yatangiye aka gace ka nyuma yambaye umwenda w’umuhondo kuko yari amaze gukoresha amasaha 20, iminota 44 n’amasegonda 58’ ibintu byatumaga aza ku mwanya wa mbere ku rutonde rusange rwagateganyo.

Dore abatwaye La Tropicale Amisa Bongo kuva mu 2006:

2006 : Jussi Veikkanen (Finland)
2007 : Frédéric Guesdon (France)
2008 : Lilian Jégou (France)
2009 : Mathieu Ladagnous (France)
2010 : Anthony Charteau (France)
2011 : Anthony Charteau (France)
2012 : Anthony Charteau (France)
2013 : Yohann Gène (France)
2014 : Natnael Berhane (Eritrea)
2015 : Rafaâ Chtioui (Tunisia)
2016 : Adrien Petit (France)
2017 : Yohann Gène (France)
2018: Areruya Joseph (Rwanda)

Comments

comments