AFCON2021: Burkina Faso yatsinze Cameroon ibitego 3-0 nyuma iza gukorerwa ibyo itazapfa yibagiwe

Ikipe y’igihugu cya Brikina Faso yatangiye yigaragaza neza mu mukino w’igikombe cya Afurika wayihuje na Cameroon bahatanira umwanya wa gatatu, aho Burikina Faso yakije umuriro ikinjiza ibitego 3-0, ariko akaba ariyo itaha yimyoza imoso.

Rutahizamu Vincent Aboubakar niwe wafashije Cameroon yari yatsinzwe ibitego 3-0 hakiri kare na Burkina Faso kuva inyuma igatwara umudali w’umwanya wa 3 mu riushanwa rya CAN 2021 yakiriye.

Cameroon yegukanye umwanya wa gatatu mu gikombe cya Afurika cy’ibihugu kiri kubera ku butaka bwayo, nyuma yo gutsinda Burkina Faso kuri penaliti 5-3 mu mukino ukomeye banganyijemo ibitego 3-3 wabereye kuri Stade Ahmadou Ahidjo mu ijoro ryo kuri uyu wa gatandatu tariki ya 5 Gashyantare 2022.

Iyi kipe ya Toni Conceicao yavuye inyuma ikimara gutsindwa ibitego bitatu ku busa,ibona intsinzi yasaga n’idashoboka.

Burkina Faso yarangije igice cya mbere iyoboye n’ibitego bibiri byatsinzwe na Steeve Yago wafunguye amazamu ku munota wa 24 n’igitego cya kabiri cyitsinzwe na Andre Onana ku munota wa 43.

Igice cya kabiri kigitangira ku munota wa 49,Djibril Ouattara yatsinze igitego cya 3 n’umutwe ku mupira mwiza yari ahawe na Bertrand Traore.

Cameron yaje kugaruka mu mukino guhera ku munota wa 72 ku gitego cyatsinzwe na Stephane Bahoken.

Cameroon yahise igira imbaraga nyinshi,isatira izamu ry’umuzamu wa 2 wa Burkina Faso witwa Farid Ouedraogo wari ku rwego rwo hasi bikomeye.

Bidatinze ku munota wa 84,uyu Farid Ouedraogo yasohotse nabi mu izamu yihera amahirwe Vincent Aboubakar atera umupira n’umutwe ugana mu izamu ku munota wa 85.

Nanone ku munota wa 87,uyu munyezamu yasohotse nabi agongana n’umukinnyi we umupira yari yafashe uramucika bituma uyu Aboubakar ashyiramo igitego cya 3 cyishyuriye Cameroon.Icyakora kuri iki gitego,amashusho yagaragaje ko Aboubakar yasunitse umukinnyi wa Burkina Faso,Soumaïla Ouattara, agonga uyu munyezamu ndetse aravunika bimuviramo gusimbuzwa,ariko ntacyo VAR yakoze.

Iminota 90 yarangiye ari ibitego 3-3 hitabazwa penaliti zahiriye cyane ikipe ya Cameroon kuko yinjije 5 zose mu gihe Burkina Faso yahushije imwe ya Blati Toure.Cameroon yatsindiye kuri penaliti 5-3.

Vincent Aboubakar watsinze ibitego 8 muri iyi AFCON, yinjiye mu rutonde rw’abakinnyi 3 batsinze ibitego byinshi mu irushanwa rimwe ry’igikombe cy’Afrika.

Yaje inyuma ya Ndaye Mulamba watsinze ibitego 9 muri AFCON 1974 na Laurent Poku banganyije watsinze ibitego 8 muri 1970.

Comments

comments