USA: Bamuritse ibuye ry’ Urwibutso rwa Jenoside yakorewe Abatutsi
Ku wa Mbere tariki ya 29 Gicurasi 2023 muri Leta Zunze Ubumwe z’ Amerika bamuritse ibuye ry’ Urwibutso rwa Jenoside yakorewe Abatutsi ryashyizwe mu Busitani bwa Deering Oaks Park mu Mujyi wa Portland muri Leta ya Maine.
Amakuru dukesha Imvaho Nshya agaragaza ko iryo buye ryashyiriweho guha icyubahiro abarenga miliyoni bishwe muri Jenoside yakorewe Abatutsi mu 1994 no gukomeza ubukangurambaga bwo kurwanya abayipfobya, abayihakana n’abakwirakwiza ingengabitekerezo ya Jenoside.
Uwo muhango uri mu byaranze igikorwa cyo kwibuka ku nshuro ya 29 Jenoside yakorewe Abatutsi cyateguwe n’Abanyarwanda baba muri Leta Zunze Ubumwe z’Amerika.
Uwo muhango witabiriwe n’abanyacyubahiro barimo Minisitiri w’Ubumwe bw’Abanyarwanda n’Inshingano Mboneragihugu Dr. Bizimana Jean Damascène, ari na we wari Umushyitsi Mukuru na Perezida wa Ibuka muri Leta ya Maine Jules Mutoni.
