Umuyobozi mukuru wa INTERPOL yaburiwe irengero
Perezida wa Polisi mpuzamahanga,Interpol, Meng Hongwei w’imyaka 64 byatangajwe ko yabuze nyuma yaho umugore we atangarije Polisi yUbufaransa ko yabuze uyu mugabo we wari wagiye iwabo mu Bushinwa mu cyumweru gishize.
Polisi y’Ubufaransa nyuma yo kwakira ubutumwa bw’umugore wa Meng Hongwei wayibwiye ko atongeye kuvugana n’umugabo we kuva tariki 29 Nzeri yakwerekeza iwabo mu Bushinwa.yatangiye iperereza mu gushaka kumenya irengero ry’uyu mugabo.
Ubuvugizi bwa Interpol bwahise bushyira hanze itangazo rigenewe abanyamakuru bwemeza ko umuyobozi wayo mukuru yabuze buvuga ko ibi byaba byatewe n’umubano w’Ubufaransa n’Ubushinwa, Hagati aho Umunyamabanga Mukuru wayo ,Jurgen Stock niwe uri gukurikirana ibikorwa by’uyu muryango (Interpol), ikindi ngo ntacyo bongera kuvuga kuri iri rengero ry’umuyobozi wabo mukuru.
Kugeza ubu u Bushinwa ntacyo buratangaza ku ibura rye, bukaba bukomeje gushirwa mumajwi ko bwaba bwarafashe uyu mugabo ngo ahatwe ibibazo n’ubuyobozi.
Uyu mushinwa Meng Hongwei yatangiye kuyobora Interpol kuva mu 2016 akazageza mu 2020. Akiri mu Bushinwa yahakoze imirimo inyuranye harimo kuba Visi Minisitiri w’umutekano.
Ubusanzwe Polisi mpuzamahanga ifite icyicaro i Lyon mu Bufaransa, ikaba ifite umurimo wo ugufatanya na Polisi mu bihugu bitandukanye ku isi muguta muri yombi abashinjwa ibyaha bari hirya no hino ku Isi.
