U Rwanda rwatangiye imikino ya Afrobasket rutsindwa na Tanzania
Ikipe y’igihugu y’abakobwa batarengeje imyaka 16 mu mukino wa Basketball, yatangiye imikino y’igikombe cya Afurika itsindwa na Tanzania amanota 42 kuri 36.
Kuri iki cyumweru ku wa 28 Nyakanga ni bwo iyi mikino yatangiye, ikaba iri kubera kuri Petit Stade i Remera. Ni imikino iteganyijwe gusozwa ku wa 03 Kanama 2019.
Mu yindi mikino yabaye ku munsi wa mbere w’iyi mikino, Uganda yanyagiwe na Mali amanota 108 kuri 32, mu gihe Angola yatsinze Mozambique amanot 76 kuri 54.
Iyi mikino irakomeza kuri uyu wa mbere, Afurika y’Epfo ikina na Mali, Tanzania ikina na Mozambique, Uganda ikine na Misiri mu gihe u Rwanda rufite akazi katoroshye imbere ya Angola guhera saa kumi n’imwe z’umugoroba.
