Perezida Kagame yavuye mu modoka yari yitwayemo asuhuza abaturage i Nyamata (+AMAFOTO)

27/05/201927/05/2019 Vainqueur Mahoro

Mu masaha y’igicamunsi kuri uyu wa Mbere , Perezida Kagame ubwo yari mu muhanda uva mu Bugesera agana i Kigali yahagaze mu muhanda asuhuza abaturage ba Bugesera.

Kurubuga rwa Twitter hagaragaye amafoto Amafoto yerekana Perezida Paul Kagame ari mu mujyi wa Nyamata mu Bugesera asuhuza abaturage nk’uko ajya abikora rimwe na rimwe iyo ageze muduce dutandukanye tw’igihugu aba yasuye abaturage.

Umukuru w’igihugu ubwo aheruka mu Karere ka Rubavu mu ntara y’Uburengerazuba , yerekeza muri aka karere yahagaze mu gace ka Mahoko agenda n’amaguru asuhuza abaturage. Ubwo yari mu ntara y’amajyaruguru nabwo Perezida Kagame yavuye mu modoka asuhuza abaturage , ibintu abaturage bishimira nk’ikimenyetso cyo kwicisha bugufi akaberaka ko bari kumwe.

Umwe mu baturage bari i Nyamata abicishije kurubuga rwa Facebook yanditse avuga ko Umukuru w’Igihugu yamaze iminota igera kuri 15 yavuye mu modoka agenda n’amaguru asuhuza abaturage.

Abaturage bari benshi baje gusuhuza Perezida Kagame

Umukuru w’igihugu kandi yagezeho ava mu modoka yari yitwayemo atembera mu baturage

Abaturage bamusuzaga bati: ” Ntugasaze muzehe wacu!”

Perezida Kagame ubwo aheruka murugendo rw’iminsi itatu asura abaturage bo mu Ntara y’Amajyaruguru n’u Burengerazuba, yatunguye abaturage bo mu Mujyi wa Musanze ubwo yavaga mu modoka akabasuhuza.

Ubwo yari ageze mu Mujyi wa Musanze yerekeza i Rubavu , Umukuru w’Igihugu yahagaze asuhuza abaturage benshi bari bahari, nabo bamugaragarije ibyishimo.

Perezida Paul Kagame yageze kuri Mahoko ava mu modoka agenda n’amaguru asuhuza abaturage bari bamutegereje ari benshi ngo bamusuhuze.

Share on Facebook