Perezida Kagame yatewe akanyamuneza n’uko Arsenal iri kwitwara muri iyi minsi
Perezida wa Repubulika y’u Rwanda Paul Kagame yagaragaje ko yishimiye uburyo ikipe ya Arsenal yo mu Bwongereza ikomeje kwitwara muri uyu mwaka w’imikino.
Ibi Perezida Kagame yabitangaje mu butumwa yacishije ku rukuta rwe rwa Twitter. Perezida Kagame yavuze ko yishimiye umukino mwiza Arsenal iri gukina muri iyi minsi ndetse no kuba yaragarutse mu bihe byiza byo gutsinda.
Perezida Kagame uri mu byishimo by’isabukuru 61 y’amavuko yagize Ati”Nejejwe no kuba Arsenal yaragatutse mu nzira zo gukina umukino mwiza no gutsinda. Ndabashimiye.”
Iyi Arsenal ikomeje gukora Perezida Kagame ku mutima ihagaze ku mwanya wa kane ku rutonde rwa shampiyona y’Abongereza n’amanota 21, amanota 2 inyuma ya Manchester City iyoboye iyi shampiyona. Aya manota 21 Arsenal irayanganya na Chelsea ya gatatu, bagatandukanwa n’uko Chelsea izigamye ibitego 13 Arsenal ikazigama 11.
Iyi kipe kandi ni imwe mu makipe akomeje kugaragaza imbaraga zikomeye kuko uretse imikino 2 itangira shampiyona yatsinzwe nta wundi mukino iratakaza cyangwa ngo inganye.
Mu ijoro ryakeye ho byari agahebuzo ku bakunzi b’iyi kipe kuko ntabwo Arsenal yabonye insinzi. Hari mu mukino w’umunsi wa 9 wa shampiyona y’Abongereza yatsinzemo Leicester City ibitego 3-1. Hector Bellerin yari yabanje kwitsinda igitego, Mesut Ozil arishyura, hanyuma Pierre Emerick Aubameyang agaruka asoza akazi mu gice cya kabiri cy’umukino.
