Papy Faty wakiniye APR FC yongeye guhamagarwa mu kipe y’u Burundi nyuma y’imyaka itatu adahamagarwa
Abatoza b’ikipe y’igihugu y’u Burundi Intamba mu rugamba bashyize ahagaragara amazina y’abakinnyi 25 bagomba gutoranywamo 18 baziyambazwa u Burundi bukina na Gabon, mu mukino w’ijonjora ry’igikombe cya Afurika.
Uyu mukino ugomba gukiza u Burundi cyangwa ukabwicisha ugomba kubera kuri Stade Louis Rwagasore i Bujumbura ku wa 22 Werurwe. Ni umukino Intamba mu Rugamba zisabwa byibura kunganya kugira ngo zibone itike y’igikombe cya Afurika kizabera mu Misiri mu mpeshyi y’uyu mwaka.
Abakinnyi bahamagawe bagaragaramo Pappy Faty wamamaye mu kipe ya APR FC, uyu akaba yari amaze imyaka itatu adahamagarwa muri iyi kipe kubera ikibazo cy’urwego rwe rwari rwarasubiye inyuma.
Aba bakinnyi kandi biganjemo amazina y’abakinnyi bakina hano mu Rwanda, ndetse na bagenzi babo bagiye bahaca mu myaka yashize.
Amwe muri aya mazina ni nka myugariro Nshimirimana David wa Mukura VS, Duhayindavyi Gaele bakinana, Ngandu Omar wa AS Kigali, Harelimana Rashid Leon wa AS Kigali, Ndikumana Seleman wanyuze muri APR, Papy Faty wakiniye APR FC, Kwizera Pierrot wakiniye Rayon Sports, Nahimana Shassir, Amissi Cedrick, Shaban Hussein n’abandi.
25 biyambajwe ngo batangire kwitegura Gabon.
1. NAHIMANA Jonathan : KMC ( Tanzanie ) 2. NDIKUMANA Justin: SOFAPAKA ( Kenya ) 3. ARAKAZA MC Arthur : Lusaka Dynamos ( Zambia) 4. NSABIYUMVA Frédéric : CHIPPA UTD( RSA) 5. MOUSSA Omar : SOFAPAKA 6. NGANDO Omar : ASK (Rwanda) 7. HARERIMANA R.Léon : ASK 8. NSHIMIRIMANA David : MUKURA VS 9. NDUWARUGIRA Christophe : AMORA TB Saad ( Portugal ) 10. NIZIGIYIMANA A.Karim : Vipers FC ( Uganda ) 11. DUHAYINDAVYI Gael: Mukura 12. BIGIRIMANA GAEL : Hibernian ( Ecosse ) 13. KWIZERA Pierre : Al Oruba ( Oman ) 14. NAHIMANA Shassiri : AL MOJZEL ( A.Saoudite) 15. MUSTAFA Francis: Gor mahia ( Kenya) 16. SHABANI Hussein : Ethiopian Coffee FC ( Ethiopia ) 17. AMISSI Cédric : ALT’awoun ( A. Saoudite) 18. BERAHINO Saido : Stoke City ( England) 19. Fiston Abdoul : JSK ( Algerie ) 20. SABUMUKAMA Enock : Zesco Utd( Zambia) 21. NDIKUMANA Y.Selemani: AL ADALAH ( Ar. Saoudite ) 22. AMISSI Mohamed: Nac Breda: Hollande 23. MAVUGO Laudit : Napsa Stars ( Zambia) 24) Papy Faty Real Kings (South Africa) 25) Shaka Bienvenue Esperence de Tunis ( Tunisie).
