Ombolenga Fitina arifuzwa na Gor Mahia FC yo muri Kenya
Fitina Ombolenga myugariro wa APR FC n’ikipe y’igihugu Amavubi arifuzwa n’ikipe ya Gor Mahia yo muri Kenya ngo asimbure myugariro wayo Nizigiyimana Karim Makenzi utakiri kurwego rwiza iyi kipe yifuza.
Gor Mahia FC yatwaye igikombe cya shampiyona muri Kenya ikomeje kwiyubaka igura abakinnyi inakina imikino ya gicuti itandukanye dore ko kuri ubu yamaze kwerekeza mu Bwongereza aho ku wa 6 Ugushyingo 2018 izakina umukino wa gicuti na Everton kuri Stade Goodison Park mu Bwongereza.
Kugeza ubu Ombolenga Fitina ntakintu aratangaza kuri iyi nkuru ngo kuko amakipe yombi atarumvikana ku igura n’igurishwa rye cyane ko agifite amasezerano mu ikipe ya APR FC. Gusa abashinzwe kugura abakinnyi mu ikipe ya Gor Mahia bamaze kwegera uyu mukinnyi.
Ombolenga mu 2017 ubwo muri Kenya haberaga CECAFA Senior Challenge cup uyu mukinnyi yaje mu bakinnyi 11 bitwaye neza muri rushanwa nubwo u Ikipe y’u Rwanda yo yari yasezerewe mu matsinda.
