Muyoboke yatse Charly na Nina kimwe mu gikoresho cyabafashaga kumenyekanisha ibikorwa byabo.
Muyoboke Alex nyuma yo gutandukana n’itsinda ry’abaririmbyikazi Charly na Nina yafashe urubuga rwa Youtube bari bamaze iminsi batangije arwitirira “Decent Entertainment” kampani ye.
Ku itariki ya 22 Gashyantare uyu mwaka Charly na Nina nibwo batangaje ko batandukanye na Muyoboke warebereraga ibikorwa byabo , Nyuma yitandukana ryabo hagiye havugwa byinshi kuri aba bombi. Muri iki gitondo urubugwa rwa youtube bifashishaga mu kumenyekanisha ibikorwa bya Chalry na Nina binjyanye n’umuziki bakora rwahinduwe “Decent Entertainment” iyi ikaba ari kampani ya Muyoboke ishinzwe ibinjyanye no kureberera ibikorwa n’inyungu by’abahanzi.
Amakuru atugeraho ni uko Nina yatangaje ko ntagahunda bafite yo gukurikirana Muyoboke Alex kubera uru rubuga rwa Youtube(Youtube Channel) yatwaye, bavugako nabo babibonye gutya gusa bagahitamo kubimurekera.
Uru rubuga rwari rumaze iminsi rutangiye ruriho indirimbo ebyiri za Charly na Nina “Try Me” indirimbo shyashya bafite ndetse na “Owooma” bakoranye n’umugande GoeSteady, hari ho n’andi mashusho make yaba bakobwa bombi. Itandukana rya Charly na Nina na Muyoboke Alex benshi barifashe mu buryo butandukanye dore ko hari nabamwe bemezako baba baratandukanye kubera amafaranga ,gusa Muyoboke ibi yagiye abyamaganira kure, agakomeza avuga ko bafata umwanzuro wo gutandukana nawe batigeze babimuganirizaho ahubwe nawe yatunguwe no kubona ibaruwa yabo bavuga batandukanye nawe.
