Mukura VS yasinyishije abakinnyi babiri barimo umwe wasezerewe na APR FC
Ikipe ya Mukura Victory Sports et Loisirs, yemeje ko yamaze gusinyisha abakinnyi babiri barimo rutahizamu Ndayisenga Ramadhan wakiniraga Marines FC na Ntwari Evode uri mu bakinnyi basezerewe na APR FC.
Mukura VS yemeje ko yasinyishije aba basore bombi ibinyujije kuri Twitter y’imwe mu ma fan Club yayo akomeye ya Mukura VS Young Generation.
As Fans of @MukuraVS, #GenMVS members are delighted to welcome Ndayisenga Ramadhan & Ntwali Evode (10) in our #BlackAndYellow team. Feel at home guys. The two young players were signed from #MARINEFC & @aprfcofficial3 respectively. Striker & Midfielder @CafuOli @onduhungirehe pic.twitter.com/Kvm2olXlRe
— GenMVS Fan Club (@GenMvs) July 18, 2019
Aba basore bombi basinye amasezerano y’imyaka ibiri yo gukinira iyi kipe yo mu karere ka Huye.
Ndayisenga Ramadhan wasinyiye ikipe ya Mukura, ni umwe muri ba rutahizamu bafashije cyane Marines FC mu mwaka w’imikino ushize, dore ko yayitsindiye ibitego 10 muri shampiyona.
Aba basore bombi biyongereye ku bandi bakinnyi Mukura VS yamaze gusinyisha, barimo Niyonkuru Ramadhan wavuye muri Musanze FC, Nyirinkindi Saleh wavuye muri Marines FC na Twizerimana Martin Fabrice watandukanye na APR FC.
