Mozambique: Leta yashyizeho imisoro mishya ku banyamakuru bakorera muri iki gihugu
Abakora umwuga w’itangazamakuru muri Mozambique bashyiriwe amafaranga bagomba kuzajya bishyura buri mwaka , icyemezp Leta ivuga ko kigamije kubungabunga isoko ry’itangazamakuru muri iki guhugu.
Abanyamahanga bifuza gukorera umwuga w’itangazamakuru muri icyo gihugu byanditse ko bagomba kwishyura amadorali 8,300$ buri mwaka , mu gihe abanyagihugu basanzwe bakorera muri iki gihugu bagomba kwishyura amadorali 2,500$.
Abanyagihugu bakorera ibitangazamakuru mpuzamahanga muri icyo gihugu bagomba kwishyura amadorali 3,500$ buri mwaka. Imiryango mpuzamahanga itegamiye kuri Leta irimo n’Iharanira uburenganzira bw’abanyamakuru yamaganye cyane iki cyemezo ivuga ko kibangamiye uburenganzira bw’itangazamakuru no kugera ku makuru atandukanye.
Leta ya Mozambique ivuga iki cyemezo kigamije kunoza neza imikorere y’umwuga w’itangazamakuru muri iki gihugu.
