Miss Umuhoza Shariffa yibarutse imfura
Miss Umuhoza Shariffa wegukanye ikamba rya Nyampinga ukunzwe 2016 ’Miss Popularity 2016’, yibarutse imfura ye y’umuhungu.
Miss Sharifa wari mu bakobwa bahataniye ikamba rya Nyampinga w’u Rwanda 2016 akaza kwegukana ikamba rya Miss Popularity, muri Nyakanga 2018 ni bwo yakoze ubukwe arushingana na Niyonteze Thierry.
Nyuma y’umwaka umwe babanye nk’umugore n’umugabo, bibarutse imfura yabo y’umuhungu.
Ku mugoroba wo kuri uyu wa Gatatu tariki ya 28 Kanama 2019, nibwo Sharifa yabyariye mu bitaro byitiriwe Umwami Faisal mu mujyi wa Kigali ’King Faisal Hospital’.
Uretse ikamba rya Miss Popularity Sharifa yegukanye, Shariffa w’imyaka 24 y’amavuko yanabaye igisonga cya Nyampinga w’u Rwanda 2016.
