Mikel Arteta utoza Arsenal atwaye igihembo cya mbere muri uyu mwaka
Nyuma yuko Arsenal itsinze imikino yose yakinnye muri Nzeri 2021 harimo n’intsinzi ikomeye yakuye kuri mukeba wayo Tottenham Hotspurs, umutoza mukuru w’iyi kipe Mikel Arteta, byatumye ahabwa igihembo cy’uko kwezi muri shampiyona y’u Bwongereza.
Muri Nzeri 2021, Arsenal yakinnye imikino Itatu muri Premier league, aho yayitsinze yose nta numwe itakaje, muri iyo mikino, yanamaze ibiri itinjijwe igitego.
Nyuma yo gutsinda imikino itatu yikurikiranya, agafasha ikipe kugera ku mwanya wa 11 muri Premier League, aho ifite amanota 10, abayobora shampiyona y’u Bwongereza ‘Premier League’ batoye Mikel Arteta nk’umutoza wahize abandi9 muri Nzeri, ndetse anahabwa igihembo.
Mu mikino Arsenal yakinnye muri Nzeri, harimo uwo yatsinzemo Norwich City 1-0, yatsinze kandi Burnley 1-0 ndetse inatsinda Tottenham muri Derby y’i Londres ibitego 3-1.
Mikel Arteta watangiye nabi shampiyona y’abongereza Premier League atsindwa na Brentford Fc yari ivuye mu kiciro cya kabir 2-0, agatsindwa na Manchester City5-0 ndetse na Chelsea 2-0.
Mu minsi ishize abafana ba Arsenal basabye ko Arteta yirukanwa kubera umusaruro mubi wari muri iyi kipe.
