Michael Sarpong yasezeye kuri bagenzi be yerekeza mu Bushinwa
Rutahizamu wa Rayon Sports, Michael Sarpong yerekeje mu Bushinwa ku mugoroba wo kuri uyu wa Kane, akaba yerekeje mu ikipe ya Changchun Yatai yo mu cyiciro cya kabiri yifuza kumutangaho akayabo k’amadolari.
Mu biganiro iyi kipe yagiranye na Rayon Sports ndetse n’uyu mukinnyi bemeranyije ko izamutangaho ibihumbi 650$.
Michael Sarpong akaba agiye gukora isuzuma muri iyi kipe yaritsinda akazahia ahabwa amasezerano yo gukinira iyi kipe yok u mugabane wa Asia nk’uko umuvugizi wa Rayon Sports, Jean Paul Nkurunziza yabitangaje.
Yagize ati “Nibyo Michael Sarpong yagiye mu Bushinwa. Ikipe twamaze kumvikana, agiye gukora isuzuma ubundi abe yayikinira.”
Umuvugizi wa Rayon Sports ko mu gihe Sarpong yatsindaigeragezwa iyi kipe yamutangaho ibihumbi 650$, Rayon Sports igahabwamo ibihumbi 150$ ahwanye n’amafaranga y’u Rwanda hafi miliyoni 140 ku masezerano yari asigaje muri iyi kipe.
Sarpong yageze muri Rayon Sports muri Nzeri 2018 avuye mu gihugu cya Ghana ari naho avuka. Mu mwaka ushize w’imikino yatsindiye Rayon Sports ibitego 16 akaba ari mu bayifashije kwegukana igikombe cya shampiyona mu gihe mu mikino ibanza ya shampiyona y’uyu mwaka yari amaze gutsinda ibitego 6.
Uyu munya Ghana w’imyaka 23 y’amavuko yerekeje mu Bushinwa asanzeyo mugenzi we w’Umurundi bakinanaga muri Rayo Sports, Jules Ulimwengu nawe werekeje muri iki gihugu.
