Madamu wa Ndayishimiye yageneye ubutumwa bw’ishimwe Madamu Jeannette Kagame
Madamu wa Perezida w’u Burundi, Angeline Ndayubaha, yageneye ubutumwa bw’ishimwe Madamu Jeannette Kagame mu rwego rwo kwifatanya na we kwizihiza isabukuru y’imyaka 20 umuryango Imbuto Foundation yashinze umaze ubayeho.
Ni ubutumwa Madamu wa Perezida wa Repubulika yashyikirijwe n’intumwa za Madamu wa Ndayishimiye, mu izina ry’umuryango OPDAD-Burundi yashinze.
Ejo ku Cyumweru tariki ya 28 Ugushyingo ni bwo Umuryango Imbuto Foundation wizihije isabukuru y’imyaka 20 umaze ushinzwe, mu muhango wabereye muri Kigali Convention Center.
Mu bashyitsi bakuru bitabiriye ibi birori harimo Monica Geingos, Umufasha wa Perezida wa Namibia Hague Geingob.
Umuryango OPDAD-Burundi wemereje ku rubuga rwa Twitter ko Angeline yohereje intumwa muri ibi birori nyuma y’ubutumire yari yarahawe.
Wagize uti: “Ku butumire mu birori by’u Rwanda, Nyakubahwa Umufasha wa Perezida w’u Burundi akaba n’umuyobozi wa OPDAD-Burundi kuri uyu wa Gatandatu yohereje intumwa kugira ngo zitabire umuhango wo kwizihiza isabukuru y’imyaka 20 ya Imbuto Foundation. Zashyikirije Nyakubahwa Jeannette Kagame ubutumwa bw’ishimwe.”
Sur invitation de sa Consoeur du #Rwanda, SE @Burundi1stLady et Présidente de l’@OPDAD_Burundi a envoyé ce samedi une délégation pr prendre part à la célébration du 20ème anniversaire de la Fondation @Imbuto. Elle était porteuse d’1 message de félicitations à SE Jeannette Kagame pic.twitter.com/AOh1TFK4Xl
— OPDAD-OAFLAD Burundi (@OPDAD_Burundi) November 28, 2021
Madamu Angeline Ndayubaha na we yemeje aya makuru mu butumwa yanyujije kuri uru rubuga mu gitondo cy’uyu wa 29 Ugushyingo, ashimira Jeannette Kagame.
Ati: “Ndashimira byimazeyo mugenzi wanjye Umufasha wa Perezida w’u Rwanda, Nyakubahwa Jeannette Kagame wizihije akanayobora umuhango w’isabukuru y’imyaka 20 ya Imbuto Foundation. Ibya wakoreye abaturage mu myaka 20 ni iby’agaciro.”
J’adresse mes sincères félicitations à ma Consœur Première Dame du #Rwanda SE Jeannette #Kagame pour la célébration du 20ème anniversaire de la Fondation @Imbuto qu’elle préside. Les réalisations faites au cours de ces 20 ans en faveur de la population sont salutaires . pic.twitter.com/BM5sNwuQNK
— Angeline Ndayishimiye Ndayubaha (@Burundi1stLady) November 29, 2021
Angeline Ndayishimiye na Jeannette Kagame bahuriye mu muryango nyafurika OPDAD (Organisation des Premières Dames d’Afrique pour le Développement) uhuza abafasha b’abakuru b’ibihugu, uharanira iterambere. Gusa bombi ntabwo barahura imbonankubone.
