M23 yatangiye uburyo bushya bw’imirwanire itari imenyereweho ihamije gufunga imwe mu mihanda nyabagedwa
Umutwe wa M23 watangije uburyo bushya bw’imirwanire itari imenyerewemo, aho irimo gukoresha uburyo bwo kugaba ibico(Ambush) yifashijije Pariki ya Virunga.
Amakuru atigeraho vuga ko kuva kuwa Kabiri tariki ya 9 Kanama 2022, abarwanyi bake b’umutwe wa M23 batangiye gutega ibico (Ambush)) ingabo n’abapolisi bahanganye banyuze muri Pariki ya Virunga. Ibi bico ngo batangiye kugaba bikekwa ko bifite intego yo gufunga umuhanda Goma- Rutshuru.
Hari andi makuru avuga ko Abarwanyi benshi ba M23 bavuye mu bice bari basanzwe bagenzura bya Chanzu, Runyoni bakahasiga abasirikare bake. Bivugwa ko abarwanyi b’uyu mutwe bavuye muri ibi bice berekeza mu gace ka Jomba , aho bikekwako bari gukorera ubucukuzi bw’amabuye y’agaciro agurishwa kugirango babone ibikoresho bigezweho bakoresha ku rugamba.
Kuwa Kabiri kandi, Abarwanyi bake ba M23 baturutse muri Pariki ya Virunga , bagabye igitero ku bapolisi bari bashyizwe mu gace ka Nyesisi, kari mu ihuriro rya Gurupoma za Rugari na Gisigari . Muri iyi mirwano habaye kurasana mu gihe cy’amasaha 4, iza kurangira M23 yisubiriye aho yari iturutse [Mu ishyamba rya Virunga]
Kugeza ubu , M23 yongeye umutekano mu bice bya Ruseke,Kabindi Tchengerero na Gisigari.
Abarwanyi benshi ba M23 bakomeje kugaragara mu gace ka Kanombe aho bari mu myitozo ikomeye bikekwa ko ibategurira kugaba igitero simusiga ku kigo cya Gisirikare cya Rumangabo kiri nko mu birometero 7 uvuye mu gace bashinzemo ibirindiro.
