Louise Mushikiwabo yagiranye ibiganiro na Papa Francis

Umunyamabanga Mukuru w’Umuryango w’ibihugu bikoresha Igifaransa (OIF), Louise Mushikiwabo yakiriwe i Vatican n’Umushumba wa Kiliziya Gatolika, Papa Francis kuri uyu wa Kabiri taliki 23 Ugushyingo 2021.

Louise Mushikiwabo abinyujije ku rubuga rwa “Twitter”, yashimiye Papa Francis ku mwanya yamuhaye ngo baganire.

Mu biganiro Mushikiwabo mubiganiro Mushikiwabo yagiranye na Papa Francis byibanze ku guhuza imbaraga mu gushyigikira abaturage b’igihugu cya Liban na Haiti, ibihugu byombi biba mu muryango w’ibihugu bikoresha Igifaransa.

Ibi bihugu byombi Liban na Haiti muri iyi minsi byugarijwe n’ibibazo bikomeye bijyanye n’ubukungu, imibereho myiza y’abaturage ndetse na Politiki.

Ntabindi byatangajwe byavuye muri ibi biganiro Umunyamabanga Mukuru w’Umuryango w’ibihugu bikoresha Igifaransa (OIF) yagiranye n’umushumba mukuru w’idini gatulika ku Isi.