AmakuruImikino

KNC asanga APR FC yahabwa igikombe cya shampiyona mu gihe umwaka w’imikino waba utarangiye

Kakooza Nkuriza Charles uzwi nka KNC akaba ari Umuyobozi w’Ikipe ya Gasogi united, avuga ko Ikipe ya APR FC iyoboye urutonde rwa shampiyona yagakwiye guhabwa igikombe cya 2019-2020 mu gihe shampiyona itarangiye.

Ni mu hihe kugeza ubu Ukwezi kurenga kurangiye shampiyona y’umupira w’amaguru mu Rwanda ihagaze kubera icyorezo cya Coronavirus.

Nta gisubizo aka kanya niba iyi shampiyona izasubukurwa kuko yahagaze igeze ku munsi wa 24wayo.

Mu kiganiro yagiranye naKT Radio, KNC yagize ati “Guhagarika shampiyona habura iminsi irindwi gusa ntibyaba byiza, mu gihe iki cyorezo cyaba gikomeje kuyogoza umupira muri rusange, mu Rwanda igikombe cyagahawe ikipe iyoboye urutonde rwa shampiyona ari yo APR FC”.

Shampiyona yahagaritswe tariki ya 14 Werurwe 2020, ikipe ya APR FC ikaba yaragombaga gukina na Espoir FC ku munsi wa 24 wa shampiyona, ariko uyu mukino ntiwigeze uba.

Umukeba wa APR FC ari we Rayon Sports, we ku munsi wa 24 yari yakinnye na Gicumbi FC banganya igitego kimwe kuri kimwe.

KNC yemezanko APR FC ariyo yahabwa igikombe

APR FC iri ku mwanya wa mbere ku rutonde rw’agatenganyo, aho ifite amanota 57, mu gihe Rayon Sports iri ku mwanya wa kabiri n’amanota 51.

Twitter
WhatsApp
FbMessenger