AmakuruImikino

Kagere yafashije Simba SC gutsinda Azam ikomeza kuyobora shampiyona ya Tanzania

Ikipe ya Simba Sports Club ibifashijwemo n’Umunyarwanda Meddie Kagere, yatsinze Azam FC igitego 1-0 kiyifasha gukomeza kuyobora shampiyona ya Tanzania.

Amakipe yombi yari yahuriye mu mukino w’umunsi wa gatanu wa shampiyona ya Tanzania ariko w’ikirarane.

Igitego Kagare yatsinze ku munota wa 49 w’umukino ni cyo cyatandukanyije impande zombi. Ni igitego uyu rutahizamu w’ikipe y’igihugu Amavubi yatsinze n’umutwe, ku mupira mwiza yari ahawe n’Umunya-Kenya Francis Kahata.

Ni igitego cya gatanu Kagere yatsindiraga Simba mu mikino itanu ya shampiyona ya Tanzania iyi kipe imaze gukina muri uyu mwaka.

Iki gitego kandi cyafashije Simba gukomeza kuyobora shampiyona ya Tanzania n’amanota 15, ikaba igifite imikino ibiri y’ibirarane igomba gukina.

Young Africans ya Sibomana Patrick Papy na Issa Bigirimana yo iri ku mwanya wa 12 n’amanota arindwi, gusa ikaba ifite imikino itatu y’ibirarane igomba gukina.

Twitter
WhatsApp
FbMessenger