Jacques Tuyisenge yahembwe nk’umwe mu bitwaye neza muri shampiyona ya Kenya
Rutahizamu w’Umunyarwanda Jacques Tuyisenge ukinira Gor Mahia yo mu gihugu cya Kenya, yaraye ahembwe nk’umukinnyi wa kabiri watsinze ibitego byinshi muri shampiyona y’umwaka w’imikino ushize.
Jacques Tuyisenge utarashoboye gukina imwe mu mikino isoza shampiyona ya Kenya kubera ikibazo cy’imvune, yatsindiye Gor Mahia ibitego 15 muri shampiyona, anayifasha kwegukana igikombe cya 17 cya shampiyona.
Uyu mukinnyi usanzwe anakinira ikipe y’igihugu Amavubi yatsindiye iyi kipe igitego cya nyuma ubwo yakinaga na Mathale United mu mukino ubanziriza uw’umunsi wa nyuma wa shampiyona. Muri uyu mukino warangiye amakipe yombi anganay ibitego 2-2, Tuyisenge yatsinzemo igitego cya mbere. Ni igitego yatsinze ku munota wa 10 w’umukino, ku mupira yari ahawe na Raphael Asudi.
Tuyisenge yasoje ku mwanya wa kabiri, inyuma ya rutahizamu witwa Eric Kapaito wa Kariobangi Sharks. Uyu yarangije atsinze ibitego 17 muri shampiyona ya Kenya.
Utetse Jacques watowe nk’uwa kabiri watsinze ibitego byinshi, umutoza we Kerr Dyllan yatowe nk’umutoza w’umwaka, mu gihe Gor Mahia akinira yatowe nk’ikipe yagaragaje Fair Play.
