Iranzi na Makenzi basinyiye Rayon Sports, yongerera amasezerano Maxime (Amafoto)

Ikipe ya Rayon Sports yemeje ko yamaze gusinyisha myugariro Nizigiyimana Abdul Karim bita Mackenzie cyo kimwe na Iranzi Jean Claude usatira izamu aca ku mpande.

Rayon Sports yemeje ko Mackenzie w’imyaka 30 yasinye amasezerano yo kuyikinira umwaka umwe, nyuma yo gutandukana na Bukavu Dawa yo muri Repubulika Iharanira Demokarasi ya Congo.

Uyu mugabo ukomoka i Bujumbura mu Burundi ni umwe mu bakinnyi bari bamaze igihe bakora igeragezwa muri Rayon Sports agiye gukinira ku nshuro ya kabiri, dore ko yayikiniye imyaka ine hagati ya 2011 na 2015, mbere yo kuyivamo yerekeza muri Gor Mahia yo mu gihugu cya Kenya.

Uretse Makenzi Rayon Sports yanemeje ko yasinyishije Iranzi Jean Claude wayigarutsemo nyuma yo gutandukana na Pharco FC yo mu Misiri yari yaragezemo agurishijwe na Rayon Sports.

Rayon Sports yatangaje ko Iranzi w’imyaka 31 y’amavuko yagarutse muri Rayon Sports nyuma yo gushimwa cyane n’umutoza Masoudi Djuma.

Iyi Rayon Sports kandi yemeje ko yongereye amasezerano Sekamana Maxime wiyongereye kuri Kevin Muhire.

Aba bakinnyi bose bagaragara ku rutonde rw’abakinnyi 29 Rayon Sports yashyize ahagaragara izifashisha mu mwaka utaha w’imikino.