Indege ya Tanzania yari yafatiriwe muri Afurika y’Epfo yarekuwe
Indege ya Air Tanzania yari yarafatiriwe muri Africa y’Epfo imaze kurekurwa nyuma y’urugamba rw’amategeko rwatangijwe na leta ya Tanzania yajyanye mu nkiko z’i Johannesburg umugabo wahoze ari umuhinzi kugira ngo ubutabera bwemeze ko iyi ndege ya Airbus 220 irekurwa.
Iyi ndege yari yafatiriwe nyuma y’uko uyu muhinzi areze guverinoma ya Tanzania mu nkiko za Africa y’Epfo ko yamwambuye ingurane mu mafaranga ku butaka bwe.
Iyi ndege yari imaze icyumweru kirenga ifatiriwe, nyamara ubu ni imwe mu biranga igihugu cya Tanzania. Uyu muhinzi Hermanus Steyn wavukiye muri Namibia arega Tanzania kutamwishyura ingurane ya miliyoni 33 z’amadorari ku butaka bwe bwafashwe na leta.
Guverinoma ya Tanzania ivuga ko itanze kwishyura uyu mugabo kuko hari n’igice cy’ayo mafaranga yahawe, ko bityo nta mpamvu yo gufatira indege y’igihugu, uyu mugabo yamaze kwishyurwa arenga miliyoni $20 kandi n’andi atazayamburwa nkuko byatangajwe na Damas Ndumbaro minisitiri wungirije w’ububanyi n’amahanga wa Tanzania.
src: BBC
