Ibivugwa mbere y’umukino wa Arsenal na Chelsea ndetse n’abashobora kubanza mu kibuga

Guhera saa moya n’igice z’umugoroba w’uyu wa gatandatu ruraba rwambikanye hagati ya Arsenal na Chelsea. Uyu mukino uza guhuza aya makipe yombi abarizwa i London mu murwa mukuru w’Ubwongereza urabera i Emirates Stadium ku kibuga cya Arsenal.

Baraza kuba bakina umukino w’umunsi wa 23 wa shampiyona. Ni nyuma y’umukino ubanza wabereye i Stamford Bridge ukarangira Chelsea itsinze Arsenal ibitego 3-2.

Ikipe ya Arsenal ikeneye amanota atatu y’uyu mukino kugira ngo yihe agahenge ko kuba itakwanburwa umwanya wa gatanu muri shampiyona na Manchester United ikomeje kuyirya insyataburenge.

Amakuru meza ari muri iyi kipe y’umutoza Unai Emery nuko Mesut Ozil ashobora kwifashishwa nyuma y’igihe umutoza atamukoresha.

Ikipe ya Arsenal nta bakinnyi bakomeye ibura kuri uyu mukino, keretse abasore barimo Rob Holding (urwaye ivi), Henrikh Mkhitaryan na Danny Welbeck (bombi bakirwaye utugombambari).

Ku ruhande rwa Chelsea, umutoza Maurizio Sari ashobora gukoresha hagati ya Olivier Giroud na Arvalo Morata ku busatirizi, akahavana Eden Hazard yari yakoresheje ikipe ye ihura na New Castle.

Ni mu gihe kandi iyi kipe igitegereje Gonzalo Higuain ugomba kuyizamo nk’intizanyo aturutse muri AC Milan.

Kimwe na Arsenal, ikipe ya Chelsea nta bakinnyi ibura keretse  Ruben Loftus-Cheek urwaye umugongo.

11 bashobora kubanza mu kibuga ku mpande zombi.

Arsenal : Leno; Papastathopolous, Koscielny, Mustafi, Kolasinac; Torreira, Guendouzi, Xhaka, Iwobi; Lacazette, Aubamayang.

Chelsea : Kepa; Azpilicueta, Rudiger, Luiz, Alonso; Kante, Jorginho, Kovacic; Pedro, Hazard, Willian.

Umusifuzi: Anthony Taylor