Harmonize yagarukiye umukobwa yigeze kwandagaza

Umuhanzi ukomeye muri, Rajab Abdul Kahali wamamaye nka Harmonize mu ruhando rwa muzika, yatandukanye n’umutaliyanikazi uzwi ku izina rya Sarah asubirana n’uwitwa Jacqueline Wolper bari baratandukanye amwandagaje bikomeye.

Wolper na Harmonize batandukanye mu mwaka ushyize wa 2017 muri Gicurasi, bapfuye ko uyu mukobwa yamucaga inyuma akaryamana n’abandi bagabo batandukanye.

Icyo gihe gutandukana kwabo byabaye intandaro yo gushyira ku karubanda amabanga menshi bagiye bagirana bakiri mu rukundo, ari nako bacurirana bituma Harmonize ashyira hanze urutonde rw’abagabo 11 baryamanye n’uyu mukobwa harimo umuhanzi Diamond Platnumz.

Ikinyamakuru Global Publishers cyanditse mu mpera z’icyumweru gishize, ko mu gitaramo cya Wasafi Festival cyabereye ahitwa Iringa muri Tanzania, Harmonize na Wolper bemereye imbere y’abafana ko basubukuye urukundo rwabo.

M bintu benshi batari biteze, Harmonize yahamagaye Wolper ku rubyiniro, amupfukama imbere atangaza ko amugarukiye. Ati “Ndagira ngo mbivuge mu ruhame ko ngarutse kwa Wolper wanjye.”

Wolper nawe ntiyigeze ajijinganya, aramwemerara dore ko byasaga n’ibyapanzwe kuko bari banamaze iminsi bakururana.

Harmonize yongeye gusubirana na Wolper bari baratandukanye, mu gihe Sarah bari bamaze iminsi bashuditse  asa n’uwamaze gukuramo ake karenge mu gihe hari hashyize iminsi havugwa ko batari gucana uwaka.

Sarah wahoze akundana na Harmonize, bivugwa ko asimbujwe undi mu gihe yari amaze iminsi yerekanye ifoto imugaragaza atwite.