EUFA Champions league: Liverpool yisanze kumwe na Manchester city, Real Madrid na Juventus
Tombola y’uko amakipe agomba gucakirana muri ¼ mu irushanwa rihuza amakipe yabaye aya mbere iwayo ku mugabane w’Uburayi isize amakipe abiri ahagarariye Ubwongereza ahuye, mu gihe Real Madrid yisanze kumwe na Juventus.
Iyi tombola imaze kubera ku cyicaro cya EUFA I Nyon mu gihugu cy’u Busuwisi isize amwe mu makipe yicinya icyara mu gihe amakipe amwe arimo AS Roma na FC Seville yisanze kumwe n’ibikoko.
Iyi tombora kandi isize amwe mu makipe yahabwaga amakipe acakiranye, nk’ikipe ya Real Madrid ya Zinedine Zidane igomba kwisobanura na Juventus baheruka guhurira ku mukino wa nyuma, mu gihe amakipe yo mu Bwongereza yahabwaga amahirwe yo kuba yaryegukana yisanze hamwe.
Muri rusange amakipe agomba guhura muri ¼ ku buryo bukurikira:
FC Barcelona yo muri Espagne igomba gucakirana na AS Roma yo mu Butariyani
FC Seville yo muri Espagne iri kumwe na Bayern Munich yo mu Budage
Juventus yo mu Butariyani izisobanura na Real Madrid, mu gihe Liverpool na Manchester City zigomba kwishakamo ukomeza muri ½ cy’irangiza.
Imikino ibanza ya ¼ itegerejwe gutangira hagati y’itariki ya 03 n’iya 04 Mata, mu gihe imikino yo kwishyura iteganyijwe kuba hagati y’itariki 10 na 11 Mata.
