AmakuruImikino

Etincelles FC yasinyishije rutahizamu w’Umugande wakiniraga Police FC

Ikipe ya Etincelles FC yo mu karere ka Rubavu, yamaze gusinyisha rutahizamu witwa Norman Ogik wakiniraga ikipe ya Police FC y’iwabo muri Uganda.

Iyi kipe yo mu Bugoyi iheruka kubona umutoza mushya (Seninga Innocent), yemeje aya makuru ibinyujije ku rukuta rwayo rwa Twitter. Rutahizamu Ogik yasinye amasezerano y’imyaka ibiri muri Etincelles.

Ogik uyu asanzwe ari rutahizamu ukina nka numero 9. Police FC yayikiniraga kuva muri 2017, nyuma yo kuyigeramo avuye mu kipe yitwa Sadolin Paints y’iwabo muri Uganda.

Etincelles FC yemeje ko uyu musore yavuye muri Police FC, nyamara muri Mutarama uyu mwaka Norman Ogik ni bwo yavuye muri iyi kipe yerekeza muri Wakiso Giants yamaze kuzamuka muri shampiyona y’ikiciro cya mbere muri Uganda uyu mwaka.

Iyi kipe yayijyanyemo na Yasin Mugume wahoze akinira Rayon Sports. Mugume uyu yari akubutse muri Vipers yari amaze iminsi akoreramo imyitozo nyuma yo gutandukana na Rayon Sports.

Norman Ogik asanze muri Etincelles mwene wabo Rashid Mutebi wageze muri iyi kipe akubutse muri Mukura VS.

Mutebi Rashid uri ibumoso yari aherekeje mwene wabo.
Norman Ogik ashyira umukono ku masezerano.

 

Twitter
WhatsApp
FbMessenger