DRC: Kera kabaye Perezida Kabila yatanze igisubizo benshi bari bategereje ku matora ateganyijwe muri iki gihugu
Perezida wa Repubulika Iharanira Demokarasi ya Congo , Joseph Kabila yamaze kwemeza ko atazahatana mu matora y’umukuru w’igihugu ateganyijwe mu mpera zuyu mwaka wa 2018.
Ibi byemejwe n’umuvugizi wa Leta ya Congo Perezida Kabila wari warangije manda ye mu mwaka wa 2016 nyuma azakongererwa kuyobora indi myaka ibiri izarangira mu kwezi k’Ukuboza. ibintu byari byaratumye abatavuga rumwe n’ubutegetsi bamushinza kugundira ubutegetsi.
Perezida Joseph Kabila yashyizeho Emmanuel Ramazani Shadari akaba ariwe uzahagararira amashyaka ashyigikiye ubutegetsi mu matora y’umukuru w’igihugu.
Uyu Emmanuel Ramazani Shadari aje yiyongereye ku bandi bakandida umunani bamaze kwiyandikisha, barimo Felix Tshisekedi, umuhungu w’umuhisi Etienne Tshisekedi, Jean Pierre Bemba wigeze kuba icyegera c’umukuru w’igihugu wa Kongo akaba n’umukuru w’inyeshamba. Kugeza ubu uwahoze ayobora intara ya Katanga, Moise Katumbi, we ntaremererwa kwinjira mu gihugu, bikaba bitaramenyekana niba zatanga kandidature ye.
Kabila yafashe ubutegetsi mu 2001 nyuma y’upfu rwa Se Laurent-Desire Kabila, aba umuperezida wa gatatu uyoboye iki gihugu , gusa yaje gutsinda amatora yambere yo mu 2006 kuva aho Congo yari iboneye ubwigenge, nyuma anatsinda amatora yo mu 2011 ikaba yari manda ye ya kabiri yarangiye 2016.
