Didier Drogba yasubiye mu kipe ya Chelsea yubakiyemo amateka akomeye
Umunya-Cote d’ivoire Didier Drogba ufatwa nk’umwe mu bakinnyi b’ibihangage Chelsea yo mu Bwongereza yagize mu mateka yayo, yamaze guhabwa inshingano nshya n’iyi kipe zo kuyibera Ambassadeur muri Company ya Yokohama isanzwe iyitera inkunga.
Drogba wanyuze cyane abakunzi b’iyi kipe yo mu Burengerazuba bw’Umujyi wa London yemeje aya makuru binyuze mu butumwa yacishije kuri Twitter ye.
Yagize ati”Ntewe ishema ryo kongera gukorana na Chelsea nka Ambassadeur wayo muri Yokohama.”
Proud to be working again with @chelseafc as ambassador for @yokohamachelseafc 💙 #yokohama #chelseafc pic.twitter.com/GBN8jeVJq7
— Didier Drogba (@didierdrogba) September 4, 2018
Drogba yageze muri Chelsea muri 2004 akubutse muri Olympique de Marseille yo mu gihugu cy’Ubufaransa. Kuva yagera muri iyi kipe yahubakiye amateka akomeye cyane, kuko yahatwariye ibikombe 4 bya shampiyona y’Abongereza, atwara FA Cup 4 ndetse na UEFA Champions league yayihesheje muri 2012 nyuma yo gutsinda Bayern Munich kuri za penaliti.
Ikindi Drogba yakoreye ni uko yayitsindiye ibitego 164 mu mikino yose y’amarushanwa atandukanye yayikiniye.
N’ubwo Drogba afite imyaka 40 y’amavuko magingo aya, Abafana b’ikipe ya Chelsea ntibaterwa ipfunwe no kugaragaza ko aramutse agarutse Stamform Bridge yabona umwanya wo kubanza muri 11 ngo kuko babona Arvalo Morata ukina ku busatirizi bwabo nta musaruro abaha.
