AmakuruImikino

DCMP yasubiriye AS Kigali, iyisezerera muri CAF Confederation Cup

Ikipe ya AS Kigali yasezerewe mu mikino ya CAF Confederation Cup, nyuma yo gutsindwa ibitego 2-1 na Darling Club Motema Pembe yo muri Repubulika Iharanira Demokarasi ya Congo.

DCM yasezereye AS Kigali ku giteranyo cy’ibitego 4-2, nyuma y’uko mu mukino ubanza na bwo yari yayitsindiye ibitego 2-1 kuri Stade ya Kigali.

Ibitego bya Karim Kimvuidi na Katy Katulondi byari bihagije ngo ikipe ya DCMP isezerere AS Kigali, nyuma y’umukino wo kwishyura wabereye kuri Stade des Martyrs i Kinshasa.

Kwizera Pierrot yari yashoboye kwishyurira AS Kigali igitego yari yatsinzwe na Kimvuidi, gusa iyi mpozamarira ntiyari ihagije kugira ngo aba banyamujyi babashe gukura intsinzi i Kinshasa.

Twitter
WhatsApp
FbMessenger