Congo Brazaville: Yvan Buravan yataramiye abakunzi ba muzika barimo Zao Zoba (+AMAFOTO)
Yvan Buravan amaze iminsi akora ibitaramo bitandukanye mu bihugu by’uburengerazuba bw’Afurika nka kimwe mu bihembo bigenerwa abahanzi baba begukanye igihembo cya Prix Decouvertes gitangwa na Radiyo mpuzamahanga y’abafaransa RFI.
Nyuma y’ibitaramo bitanu amaze gukora mu bihugu bitandukanye , Buravan yaraye ataramiye muri Congo Brazaville, igitaramo cyitabiriwe n’abakunzi b’umuziki batandukanye barimo n’icyamamare mu muziki waho ,Zao Zoba ufatwa nk’ikirango cya muzika ya Congo Brazaville.
Ku wa 4 Werurwe 2019 ni bwo Buravan yageze i Brazaville yakirwa bikomeye n’abanyarwanda batuye muri iki gihugu, ku munsi wakurikiyeho nibwo yagiranye ikiganiro n’itangazamakuru ryo muri kiriya gihugu.
Mu ijoro ryakeye ku wa 06 Werurwe Yvan Buravan yishimiye gutaramira abakunzi b’umuziki muri Congo Brazaville, ndetse akaba yanashimye uko yakiriwe muri iki guhugu.
Nyuma ya Congo Brazaville Yvan Buravan arakomereza urugendo rwe rw’ibitaramo muri Guinee Equatorial tariki 9 Werurwe 2019, akazataramira muri Djibouti tariki 12 Werurwe 2019 . Madagascar ku italiki ya 15 Werurwe 2019 , muri Gabon ni tariki 20 Werurwe 2019 , tariki 22 Werurwe 2019 ataramire muri Sao Tome naho muri Angala azahagera ku wa 23 Werurwe 2019.
