AmakuruAmakuru ashushyeImikino

Chelsea yakomorewe kugura abakinnyi bashya nyuma y’ibihano yari yarafatiwe

Ikipe ya Chelsea ubu yemerewe gusinyisha abakinnyi bashya muri Mutarama ubwo isoko ry’igura n’igurisha rizaba rifunguye ku mugabane w’uburayi nyuma yo kugabanyirizwa ibihano yari yarafatiwe na FIFA muri Gashyantare 2019.

Ikipe ya Chelsea yari yarafatiwe ibihano n’urukiko rwa siporo byo kumara imyaka ibiri (saisons) itagura umukinnyi nyuma y’iperereza ryakozwe kuri iyi kipe bikagaragara ko yagiye isinyisha amasezerano abakinnyi batari bageza imyaka y’ubukure.

Nyuma yo guhagarikwa kugura abakinnyi kandi iyi kipe yategetswe kwishyura amande angana n’ama Euro 231,00o angana n’amafaranga 300,000 akoreshwa mu gihugu cy’Ubusuwisi .

Uku gusinyisha abana bari munsi y’imyaka 18 y’amavuko binyuranye n’amategeko y’ishyirahamwe ry’umupira w’amaguru ku isi (FIFA) mu ngingo yaryo ya 19, ahavugwa amabwiriza agenga igura n’igurisha ku bakinnyi.

Chelsea ntiyaje kunyurwa n’iki cyemezo maze muri Mata uyu mwaka itanga ubujurire bwayo mu kanama gashinzwe ubujurire muri FIFA gusa ubujurire bwayo ntibwigeze buhabwa agaciro.

Kuri uyu wa Gatanu tariki 06 Ukuboza 2019 nibwo aka kanama katangaje ko kagabanyije ibihano byari byarahawe ikipe ya Chelsea bityo ko muri Mutarama 2020 yemerewe kongera kugura abakinnyi nk’izindi zose.

Ubu bisobanuyeko bidasubirwaho ko umutoza Frank Lampard n’ubuyobozi bwa Chelsea burangajwe imbere n’umuherwe Roman Abramovich yemerewe kongera abakinnyi muri iyi kipe ubu iri kubarizwa ku mwanya wa 4 n’amanota 29 ku rutonde rw’agateganyo rwa shampiyona y’Abongereza ikunzwe kurusha izindi ku isi.

Ikipe ya Chelsea yakomorewe ku isoko ry’igura n’igurisha

 

 

Twitter
WhatsApp
FbMessenger