CECAFA U-15: Amavubi yatsinze u Burundi yegukana umwanya wa gatatu
Ikipe y’igihugu Amavubi y’abatarengeje imyaka 15, yegukanye umwanya wa gatatu mu irushanwa rya CECAFA riri kubera mu gihugu cya Eritrea nyuma yo gutsinda u Burundi kuri penaliti 4-2.
Ni nyuma y’uko iminota isanzwe y’umukino yari yarangiye amakipe yombi anganya igitego 1-1.
Ni nyuma y’uko ikipe y’u Rwanda yari yasezerewe na Kenya muri 1/2 cy’irangiza, iyitsinze kuri za penaliti nyuma y’uko amakipe yombi yari yaguye miswi y’igitego 1-1. Iyi Kenya irahurira na Uganda ku mukino wa nyuma utegerejwe kuri uyu wa gatanu.
U Burundi bwo bwari bwasezerewe n’ingimbi za Uganda, nyuma yo kunyagirwa umuba w’ibitego 6-0, mu mukino wa 1/2 cy’irangiza.
