AmakuruAmakuru ashushyeImikino

Bimwe mu bihugu bikomeye byisanze mu itsinda ry’urupfu muri tombola ya EURO 2020

Ku mugoroba wo kuri uyu wa 30 Ugushyingo 2019 nibwo habaye Tombola y’amatsinda y’igikombe cya EURO 2020 yabereye muri Romania mu mujyi wa Bucharest.

Ibihugu bikomeye mu mupira w’amaguru nka France, Germany na Portugal yatwaye iki gikombe muri 2016 byahuriye mu itsinda F, Ubwongereza bwo bwisanga mu itsinda rya 4.

Iyi tombola ibaye mu gihe ibihugu bimwe bitari byabona itike kuko bigisigaje imikino yabyo ya nyuma bityo bikazajya biza byiyongera mu matsinda yabyo nk’uko hari itsinda rigiye ririmo ibihugu bitatu, bivuzeko hazajya hiyongeraho kimwe  cyabonye itike y’amatsinda mu byagaragajwe biteganyijwe muri buri tsinda.

Imijyi ya Rome na Baku niyo mijyi izakira imikino yo mu itsinda rya mbere, St Petersburg na Copenhagen niho hazabera imikino yo mu itsinda rya kabiri, Amsterdam na Bucharest hazabera imikino yo mu itsinda rya Gatatu, London na Glasgow hazabera imikino yo mu itsinda rya Kane, Bilbao na Dublin habere imikino yo mu itsinda rya Gatanu naho Munich na Budapest habere iyo mu itsinda rya nyuma.

Buri tsinda ryahawe imijyi y’ibihugu ibiri izajya ikinirwaho imikino yaryo, imijyi irindwi muri 12 ni iyibihugu byamaze kubona itike.

Itsinda A: Italy, Switzerland, Turkey, Wales

Itsinda B: Russia, Denmark, Belgium, Finland

Itsinda C: Netherlands, Ukraine, Austria
Iri tsinda riziyongeramo ikipe izabona itike hagati ya Georgia, Kosovo, Belarus, North Macedonia.

Itsinda D: England, Croatia, Czech Republic
Iri tsinda riziyongeramo ikipe izabona itike hagati ya Scotland, Israel, Norway, Serbia

Itsinda E: Spain, Poland, Sweden
Mu itsinda E haziyongeraho ikipe izava hagati ya  Ireland y’Amajyaruguru, Bosnia, Slovakia or Ireland.

Itsinda F: Germany, France, Portugal
Mu Itsinda F haziyongeramo ikipe izabona itike hagati ya Iceland, Romania, Bulgaria, Hungary.

Twitter
WhatsApp
FbMessenger