APR FC yasubukuye imyiteguro y’umukino wayo na Club Africain
Nyuma yo kunganya na Club Africain yo muri Tunisia mu mukino ubanza w’ijonjora rya CAF Champions league, APR FC yasubukuye urugendo rwo kwitegura umukino wo kwishyura uzayihuza n’iyi kipe.
Ni umukino uzabera kuri Stade Olympique de Rades muri Tunisia mu ku wa gatatu w’icyumweru gitaha, nyuma y’umukino ubanza amakipe yombi yanganyirijemo 0-0 kuri Stade ya Kigali.
Imyiteguro y’uyu mukino APR FC yawutangiye ku munsi w’ejo, ikina umukino wa gicuti na Vision yo mu kiciro cya kabiri. Uyu mukino warangiye APR FC inyangiye Vision ibitego 5-1.
Nyuma y’uyu mukino abakinnyi ba APR FC bahise bajya kwitegura umwiherero wabo uteganyijwe kubera i Nyarutarama.
APR FC irakomeza imyitozo ku gicamunsi cy’uyu wa gatanu. Ni imyitozo iteganyijwe kubera kuri Stade Amahoro I Remera.
APR FC irasabwa gutsinda cyangwa ikanganya na Club Africain umubare uwo ari wo wese w’ibitego kugira ngo ikomeze mu ijonjora rya kabiri rya Total CAF Champions league, mu gihe gutsindwa na Club Africain bizahita bihesha iyi kipe yo muri Tunisia gukomeza.
