Amakipe yo mu Rwanda yamenye amakipe azahura nayo mu mukino ya CAF

Kuri uyu wa gatanu  taliki 13 Kanama 2021 habaye tombola y’uburyo amakipe azahura mu mikino Nyafurika ihuza amakipe yabaye aya mbere iwayo harimo n’amakipe yo mu cyiciro cya mbere mu Rwanda .

Muri iyi tombola yabaye yari itegerejwe na benshi, aho u Rwanda ruzaba ruhagarariwe na APR FC ndetse na AS Kigali.

Ikipe ya APR FC izahura na Mogadishu City Club yo muri Somalia mu ijonjora rya mbere rya CAF Champions League, hagati aho umukino ubanza uzabera muri Somalia.

Ikipe izakomeza hagati yazo mu mikino ibiri izaba hagati ya tariki ya 10 n’iya 19 Nzeri 2021, izahura na Etoile du Sahel yo muri Tunisia.

Muri CAF Confederation Cup, ikipe ya AS Kigali yatomboye ikipe ya Olympique de Missiri-Sima yo mu birwa bya Comores.

Imikino ibanza y’ijonjora rya mbere izabera hanze mu gihe amakipe y’u Rwanda azakira imikino yo kwishyura i Kigali.

Twabibutsa ko  umwaka ushize w’imikino, APR FC yasezerewe na Gor Mahia yo muri Kenya mu ijonjora rya mbere rya Champions League mu gihe AS Kigali yasezerewe na CS Sfaxien mu ijonjora rya gatatu ribanziriza amatsinda ya CAF Confederation Cup.