Amafoto yaranze umukino wa shampiyona Manchester United yatsinzwemo na Tottenham

Ikipe ya Manchester United yaraye itsinzwe na Tottenham ibitego 3-0, mu mukino w’umunsi wa gatatu wa shampiyona y’Abongereza wabereye kuri Old Trafford.

Ibitego 2 bya Lucas Moura na kimwe cya Harry Kane ni byo byafashije ikipe ya Spurs gukura amanota 3 i Manchester. Ni umukino ikipe ya Tottenham yakinnye bigaragarira buri wese ko irusha cyane ikipe ya Manchester United.

Gutsinda uyu mukino byafashije ikipe ya Tottenham gufata umwanya wa 2 ku rutonde rwa shampiyona n’amanota 9, ikaba iyanganya na Liverpool ya mbere, Chelsea ya gatatu na Watford ya kane.

Ikipe ya Man United yo yahise ijya ku mwanya wa 13 n’amanota 3 inganya n’amakipe ya Arsenal, Crystal Palace, Fulham na Brithon & Holve Albion ayibanjirije.